好野又有得去旅行喇!

昨天同女友去左星級假期報名, 我地報左六月廿七號星期六出發的團, "東部華僑城第一、二期 ，5星級東莞嘉華國際大酒店２天 (純玩)", 今次係我同佢第一次一齊去旅行, 所以現在心情非常緊張, 希望當日天氣唔好咁熱同埋無雨落啦, 現在我地大家都計劃緊點樣行法最好玩同埋鏗時間, YEAH!

陰謀論!

最近係香港人網的其中一個節目聽到一件陰謀論的事件, 該節目係"大娛樂家", 係節目入面, 蕭定一講左一樣野其他人都只係認為係娛樂新聞, 但係他舉出左幾個Point出來, 我聽落都覺得好有道理, 他話小小超做父親單新聞發佈的時間有些問題, 四月廿六日世, 點解前唔發佈後唔發佈, 要等到六月四日晚上先發佈? 仲要係發佈比生果報做獨家新聞, 真係有無咁巧合呀? 他指出李氏集團從來唔會係生果報買任何的廣告, 這單新聞令到六月五日出版的生果報頭條要分一半出來, 向來生果報都係支持民主運動, 點解會咁多間報館唔發, 係發比生果報呢? 仲有今次這單新聞令到方向報有點不高興, 方向報隻字不提有嬰兒出世, 無生過一樣咁, 真奇怪呀! 大家有興趣可以到以下網址下載重溫:

大娛樂家-(第52集)

http://www.hkreporter.com/myradio/channel_list.php?channelid=101

真幸福

今晚落街散步時, 見到有一架小朋友踩的單車好特別, 個設計真係好得, 係個座位上有一個帳篷, 跟住係帳篷最前方有一把風扇吊落來, 真係對細路仔體貼, 落雨太陽無有怕, 現在做細路真係好幸福!

空虛

今晚我女友要返學, 所以我落街散步時無人同我講電話, 心裡面當堂感到好空虛同埋寂寞, 真係有點奇怪, 可能同我女友一樣都患上左同一個病, 就係相思病喇!

好滿足!

昨晚同女友去左太古城行街街, 順便係大食代 Food Court 到食野, 個到真係好多正野食, 不過因為我之前想食韓國野, 所以我同女友揀左食韓國野, 我揀左辣牛肉煱飯而女友就揀左食辣牛肉湯麵, 大家食左一半就鼎唔住啦, 大家千其唔好誤會唔好食, 而係個份量超大, 晚餐來講真係底食夾大件, 大家都食剩三分一就算啦, 下次我地都係叫一份餐再加其他小食就算啦, 費時浪費食物咁折墮, 跟住我地落左去超級市場買野飲, 我買薑味威士忌, 而女友就飲薑味梳打, 所以昨晚大家真係飽到上心口同埋好滿足呀!

韓國石頭煱飯

今晚約左女友去太古城行街街, 突然之間好想食石頭煱飯, 真係唔知太古城有無得食呢?

恐慌!

昨日出現左一場虛驚, 係咩事? 就係我的另一半的親戚遲大到, 搞到我同她都有點徬徨, 我身為她的男友, 一定會負責任, 同時我已經上網搜集所有資料並且已經制定左一系列的應變方案, 點知今朝我打電話比她, 她同我講親戚已經到步, 我成身鬆弛下來, 如釋重負, 以後我地將會更加小心, 同埋我會買些好野比她調理下身體!

執著

有時我都感覺到自己的想法太過執著同過份主觀, 令到我的另一半有點措手不及, 不知點算好, 我其實都是為大家著想, 但係咁樣做可能會另令到我的另一半有點唔開心, 神呀! 我可以點做呀? 幫幫我啦!

同未來外母飲茶

無驚無險同未來外母飲茶, 外母比想像中平和同埋好搞笑, 真係超正, 希望又有分加啦!

旅遊展

昨日同女友去左一年一度係灣仔會展舉行的旅遊展, 我地大概係十點半鐘入場, 入到去好彩唔係好多人, 當然大家都係會徘徊係有著數攞的攤位啦, 差不多個個攤位都有勁多野派, 其中最正係韓國展館有野抄飯食, 土耳其展館有茶飲, 真係又食又攞, 十五元入場費超低, 攞返幾本唔同國家地圖返來都回本啦, 正呀!

重生啟動

從今天起我將會重生啟動這個Blog! YEAH!